लोणावळा : एका बाजूला लग्नाची धामधूम, जयपूरच्या महालात राजेशाही थाटात लग्नाची तयारी, विमानाचे बुकिंग... पण नियतीच्या मनात काहीतरी वेगळंच होतं. अवघ्या काही दिवसांवर लग्न आलेल्या एका तरुणाचा लोहगड किल्ल्यावर पाय घसरून दरीत पडल्याने अत्यंत दुर्दैवी मृत्यू झाला आहे.

घटनेची माहिती मिळताच लोणावळ्यातील 'शिवदुर्ग मित्र' आणि 'वन्यजीव रक्षक मावळ' संस्थेच्या बचाव पथकांनी तातडीने दरीत उतरून केतनचा मृतदेह बाहेर काढला. लोणावळा ग्रामीण पोलिसांनी या प्रकरणी अपघाती मृत्यूची नोंद केली आहे.

निसर्गाचा आनंद घ्या, पण स्वतःचा जीव धोक्यात घालून सेल्फी किंवा फोटो काढू नका. तुमच्या घरी कोणीतरी तुमची वाट पाहत आहे. गड-किल्ल्यांवर फिरताना काळजी घ्या !